Scéim Deontais d'Fheithiclí Leictreacha Athoscailte le haghaidh Tacsaithe, Hacnaithe agus Limisíní

Seoladh an scéim ar dtús i mí Feabhra le buiséad €12.5 milliún. Fuair sé an líon is mó iarratas riamh, agus tá measúnú déanta orthu anois. Leithdháileadh beagnach €7.5 milliún ar iarratasóirí cáilithe, rud a chiallaíonn go mbeidh beagán faoi bhun €5 mhilliún ar fáil nuair a athosclófar an scéim. 

Ceadófar deontais shuntasacha do na hiarrthóirí a n-eireoidh  leo ionas go mbeidh sé  ar a gcumas an t-aistriú chuig feithiclí leictreacha a chuir i gcrích: 

• €10,000 i dtreo SPSV láncheallra leictreach nua a cheannach

• €12,500 i dtreo SPSV nua atá inrochtana do chathaoireacha rothaí leictreacha a cheannach. 

Maidir leo siúd a dhéanann diúscairt ar fheithiclí atá níos sine, atá ar ard mhíleáiste nó truaillithe, déantar an deontas a dhúbailt go dtí: 

• €20,000 le haghaidh SPSV lánleictreach nua

• €25,000 le haghaidh feithicil leictreach nua atá inrochtana do chathaoireacha rothaí. 

“Is léiriú soiléir é an fhreagairt ollmhór ar eSPSV25 go bhfuil tionscal tacsaí, hacnaithe agus limisíní na hÉireann réidh le hathrú. Tá tacaíocht láidir léirithe ag úinéirí SPSV ard-mhíleáiste, atá chun tosaigh in oibríochtaí laethúla, chun aistriú chuig feithiclí leictreacha. Ní hamháin go gcuidíonn an beart sin le hastaíochtaí carbóin a laghdú ach cuireann sé feithiclí beaga seirbhíse poiblí chun cinn mar cheannairí i dtionscnaimh chomhshaoil níos leithne na tíre freisin’. 

An tAire Iompair Darragh O’Brien

Ó bunaíodh í in 2018, réitigh an Scéim Deontais eSPSV an tslí do bhreis agus 3,200 oibreoir SPSV chun an t-aistriú chuig feithiclí leictreacha a dhéanamh, rud a chuireann go mór le spriocanna aeráide na hÉireann. 

Ón 23 Meitheamh ar aghaidh, is féidir le haon duine atá incháilithe don scéim agus ar spéis leo iarratas a dhéanamh ar an deontas eolas mhionsonraithe a fháil, foirmeacha iarratais agus treoirlínte san áireamh, ar shuíomh gréasáin an Údaráis Náisiúnta Iompair: Nuacht - National Transport

Nótaí

• Is féidir le daoine le ceadúnas SPSV ina seilbh cheana féin chomh maith le hiarratasóirí nua ar cheadúnas SPSV cur isteach ar an scéim deontais eSPSV

• Is féidir le hiarratasóirí nua iarratas a dhéanamh ar cheadúnais tacsaí nó hacnaithe atá inrochtana do chathaoireacha rothaí leictreacha agus ar cheadúnais limisín amháin. 

• Is féidir le héinne go bhfuil  ceadúnas SPSV salún acu cheana féin iarratas a dhéanamh chun a bhfeithicil ICE (inneall dócháin inmheánaigh) atá níos sine nó ar ardmhíleáiste a uasghrádú chuig feithicil lánleictreach

• Tá dhá mhí ag iarratasóirí chun an próiseas deontais a chur i gcrích agus a bhfeithiclí leictreacha nua a chur ar an mbóthar mar thacsaí, hacnaí nó limisín 

• Tá sonraí iomlána maidir leis an deontas agus conas iarratas a dhéanamh ar fáil ar shuíomh gréasáin an Údaráis Náisiúnta Iompair.